Biz imzaları yox, əsərləri dərc edirik...

Günel Eyvazlının “İşıq” adlı yeni kitabı
335
16 Sentyabr 2019, 10:09
 Edebiyyatqazeti.az xəbər verir ki, yazıçı-esseist, tərcüməçi Günel Eyvazlının "İşıq” adlı yeni kitabı "Elm və təhsil” Nəşriyyatında – "Ədəbiyyat qəzeti” yayınları silsiləsindən işıq üzü görüb.
 464 səhifədən ibarət kitabda müəllifin son illərdə qələmə aldığı, "Ədəbiyyat qəzeti”ndə çap olunmuş esse, hekayə, şeir və bədii-publisistik yazıları daxil edilib.
 
 

 "İşıq”ı oxuduqca müəllifin mövzulara fərqli rakursdan baxış bucağını, düşüncə genişliyini, fəlsəfi, sürreal, okkultiv, intellektual izah manevrlərini görmək mümkündür.
 Kitabın redaktoru filologiya üzrə fəlsəfə doktoru, "Ədəbiyyat qəzeti”nin baş redaktoru Azər Turan, ön söz müəllifi filologiya elmləri doktoru, tənqidçi-ədəbiyyatşünas Elnarə Akimovadır.
Qeyd edək ki, "İşıq" müəllifin sayca üçüncü kitabıdır. 
 Kitab ilk dəfə oxuculara 16 sentyabr tarixində Sumqayıt şəhərində təşkil olunacaq I Kitab Yarmarkasında təqdim olunacaq.