Biz imzaları yox, əsərləri dərc edirik...

Ukrayna, Belarus və Azərbaycan opera ulduzları eyni səhnəni bölüşəcəklər
381
19 Fevral 2020, 16:01
  Azərbaycan Dövlət Akademik Opera və Balet Teatrında Cakomo Puççininin "Bohema” operası nümayiş olunacaq.
  Teatrın mətbuat xidmətindən AZƏRTAC-a bildirilib ki, fevralın 22-də göstəriləcək səhnə əsərində əsas partiyaları ifa etmək üçün Ukrayna Milli Operasının solisti, Ukraynanın Əməkdar artisti Tatyana Qanina (Mimi), Odessa Milli Akademik Opera və Balet Teatrının aparıcı solisti, vokalçıların beynəlxalq müsabiqələrinin qalibi Eduard Martınyuk (Rudolf) və Belarus Milli Akademik Böyük Opera və Balet Teatrının aparıcı solisti, Belarusun Əməkdar artisti, vokalçıların beynəlxalq müsabiqələrinin laureatı Vladimir Qromov (Marsel) dəvət edilib.
 
 

  Operada Ukrayna və Belorusdan dəvət olunmuş vokal ulduzları ilə yanaşı, həm də Azərbaycan Dövlət Akademik Opera və Balet Teatrının aparıcı solistləri - Əməkdar artistlər İnarə Babayeva (Müzetta), Tural Ağasıyev (Şonar), Əliəhməd İbrahimov (Parpinol), Xalq artistləri Əli Əsgərov (Alsindor), Əkrəm Poladov (Kollen) və başqaları çıxış edəcəklər.
  Səhnə əsəri Xalq artisti, professor Yalçın Adıgözəlov tərəfindən idarə olunacaq.
 

Xəbər lenti