Biz imzaları yox, əsərləri dərc edirik...

Nə gördün Qarabağda – Qulu Ağsəsin şeiri
2283
17 Fevral 2021, 16:05
 Artkaspi.az saytı  Qulu Ağsəsin "Nə gördün Qarabağda” adlı şeirini təqdim edir:
 
  
 – Nə gördün Qarabağda,
(soruşdum Rza Diqqətinin fotolarından)
orda vəziyyət nə cürdü?
Salamatçılıqdı, dedi:
məsçid – minbərdən,
kəhriz – çinardan,
qəbir – başdaşından,
mina – kadrdan
                  hündürdü!
Hə, bir də
mat qaldım bir şeyə:
oranın quşları
                  adam kimi danışır,
adamları
                  quş kimi oxuyur deyə...