Biz imzaları yox, əsərləri dərc edirik...

Fitzeceraldın evində yaşamaq fürsəti
263
14 İyun 2018, 17:44
 "Open Culture” onlayn maraq-əyləncə dərgisində, xüsusilə də, ədəbiyyatsevərlərin marağına səbəb olacaq xəbər paylaşılıb. Dərgi bu sevindirici xəbəri elə məhz bu başlıqla "Fitzeceraldın evində yaşamaq fürsəti” bölüşüb. Belə ki, dərginin xəbərinə görə, yazıçı Skot Fitzeceraldın Montqomeridə tanış olub, evləndiyi xanımı Zelda Sayre ilə üç ilə yaxın müddətdə yaşadığı mənzil ədəbiyyat və Alabama sevərlərin ixtiyarına verilib. Dövrünün iki sevilən simasının yaşadığı evdə qalmaq fürsətini isə yalnız "airbnb” saytının turizm xidmətlərindən istifadə edənlər yararlana biləcəklər.
 

 
 Portal istənilən zaman bu evin kirayələnə bilməsi üçün evin qorunması və mühafizəsi ilə məşğul olan "Montqomeri Fitzecerald Muzeyi” ilə müqavilə imzalayıb. Alabama, Montqomeriyə səfər edənlər tur biletlərini "airbnb”-dən sifariş edərkən, asanlıqla Fitzcerald cütlüyünün evini kirayələyə bilər. Evin bir gecəlik qiyməti 150 dollardır. Cütlüyün olduqca çətin zamanlarını keçirdikləri bu evdəki ədib mühit olduğu kimi saxlanılır. "Airbnb” şirkəti isə müqavilədə göstərilən "yazara aid şəxsi əşyaların zədələnməsi qarşılığında ciddi məbləğlər ödəmək və hətta müqavilə şərtlərinin birtərəfli pozulması” tələblərinə razılıq verib.
 Bu layihə ilk baxışdan cəlbedici görünsə də, necə əks-səda doğuracağı hələ ki, naməlumdur. Çünki ədəbiyyatsevərlər tez-tez yazarların həyatına səfər etsə də, sevimli yazarlar haqqında çox şeyin gizli, özünəməxsus qalmasının, onların mifik həyatlarının sehrinin pozulmamasının tərəfdarıdırlar. "airbnb” artıq evin illik kirayə haqqını müqavilə şərtlərinə uyğun olaraq, ödəyib. Lakin turistlərin bu ideyaya yanaşması hələ ki, soyuqdur. Evin kirayə şərtləri ilə bu adresdə tanış ola bilərsiniz – "www.airbnb.com/rooms/17459957”.
 
 Hazırladı: Elcan Salmanqızı