Biz imzaları yox, əsərləri dərc edirik...

Dünyanın ən sirli adası
309
13 İyun 2018, 16:55
 Keçmiş əsrlərdən qalan nəhəng moailərlə zəngin olan Pasxa dünyanın ən müəmmalı adasıdır. Alimlər bir suala hələ də cavab tapa bilmirlər. IX əsrdə yaşayan insanlar çəkisi 20 tondan çox olan, uzunluğu 10-20 metr arasında dəyişən bu heykəlləri yaşadıqları yerə necə aparırmışlar? 
 

 
 XX əsrin ən sirli tapıntılarından biri də moai başları ilə bağlı idi. Araşdırmalar zamanı məlum olub ki, onların bədənləri də varmış. Ancaq üstlərini torpaq örtübmüş. Yerli sakinlər adanı Rapa-Nui adlandırırlar. Bütün dünya isə onu Pasxa adaları kimi tanıyır. Çünki ada 1722-ci ilin 5 aprelində - müqəddəs bazar günündə holland səyyah tərəfindən tapılıb. 2012-ci ildə adada 150-dən çox heykəl tapıldı. Məlum oldu ki, bu heykəllər tufdan (daş növü) düzəldilib. Ən böyüyü 80 tondur. Hündürlüyü isə 21 metrə yaxındır. Bu heykəllərin qeyri-adiliyi ondadir ki, hamısı eyni yerdə düzəldilib və müxtəlif istiqamətlərə aparılıb. Daşınma ilə bağlı yaranan suallarla bərabər bir suala da cavab tapılmır: Bu heykəlləri niyə düzəldiblər?
 Hazırladı: Zeynəb Əliqızı