Biz imzaları yox, əsərləri dərc edirik...

“Azərbaycan”ın zəfər dolu noyabrı
228
27 Noyabr 2020, 12:20
 "...Neçə gündür havalar bir az soyuyub, arabir yağış da yağır. Fikrim cəbhədə, döyüşçülərimizin yanındadır. Onların yolu indi dağlaradır...” Bu sətirlər "Azərbaycan”  jurnalının noyabr sayında İntiqam Qasımzadənin qızıl tariximizin 44 günlük zəfər yürüşündən, Şuşalı xatirələrindən bəhs edən yazısındandır.
Jurnalın ”Qarabağ Azərbaycandır!” rubrikasının bu ilk yazısını Südabə Ağabalayevanın "Xüsusi təyinatlı söz” məqaləsi davam etdirir.Müharibə mövzulu şeirlərilə müxtəlif nəsillərə mənsub müəlliflər – Rəsul Rza, Böyükağa Qasımzadə, Ənvər Əlibəyli, Ağacəfər Həsənli, Qəşəm Nəcəfzadə, Asif Asiman xalqımızın haqq savaşında səfləniblər.
 
 

 Poeziya otağında oxucuları Qəşəm Nəcəfzadənin müxtəlif mövzulu şeirləri, Rəfail Tağızadənin "Koronavirus silsiləsi”ilə bağlıpoetik düşüncələri gözləyir. Kəmaləddin Qədimin, Rizvan Nəsibin şeirləri də bu nömrədə təqdim olunur.
 Mənzər Niyarlının "Bir adamlıq qəbir” hekayəsi pandemiyanın insan xislətinə işıq tutan yönlərini açmağa çalışır.
Fidan Rzayevanın tərcüməsində Bertold Brextin "Qalileyin həyatı” pyesi günümüzün ovqatına bələbçilik edir: ”Bizim üçün hələ hər şey qabaqdadır”.
Nizaməddin Mustafanın "Türk – İslam mədəniyyətinin cüt gücü: şeir və musiqi” publisistik yazısıhumanitar siayasətin ziqzaqlı yoluna işıq tutur.
 Tənqidçi Nərgiz Cabbarlı ötən ilin romanlarını təhlil edir.
 Jurnalın Tənqid və Ədəbiyyatşünaslıq rubrikası yenə də bir – birindən maraql yazılarla zəngindir: Sona Vəliyeva ötən əsrin 20-ci illərindəki ədəbi mühakimələrdən danışır. Tahirə Məmməd ədəbiyyatımıza erməni müdaxiləsini araşdırır. Vaqif Yusifli "Ədəbi fraqmentlər”də "Yeriyən Naxçıvan adlandırdığı Hüseyn Həşimlini anır. Onun "Şairlər bir dəfə doğulur...” yazısınınünvanı isə şair Kəramət Şükürovun  son yaradıclıq nümunələridir.
Ənənəvi Kitab rəfi yeni nəşrləri tanıdır.